दिपक बस्नेत 
मंसिर ६, तामाकोशी । 
दोलखामा निर्वाचन सकिएको दुईदिन सम्म पनि मतगणना सुरु हुन सकेको छैन । नेकपा एमालेले गठबन्धन दलले जिल्लाका विभिन्न स्थानमा बुथ कब्जा गरेको आरोप सहितको उजुरी मुख्य निर्वाचन अधिकृतको कार्यालय मार्फत निर्वाचन आयोगमा पठाएको थियो ।
उजुरीका विषयमा निर्वाचन आयोगले अहिलेसम्म निर्णय नगर्दा जिल्लामा कहिलेबाट मतगणना सुरु हुन्छ भन्ने विषयमा अन्योलता सिर्जना भएको  छ । मतगणना सुरु नभएपछि दोलखामा तनाव बढीरहेको छ । मतगणनाको माग गर्दै गठबन्धन दलले  नारावाजी सहित प्रदर्शन गरीरहेका छन् । हिजो दिउँसो र राति गठबन्धन दलका उम्मेदवारसहित नेता तथा कार्यकर्ताहरुले तत्काल मतगणनाको माग सहित नारावाजी गरेका थिए । आईतबार निर्वाचन सम्पन्न भएपनि एमालेको उजुरीका कारण दोलखामा अहिलेसम्म मतगणना सुरु नभएको हो । निर्वाचन आयोगको निर्णय नआउँदा दोलखामा मतगणना अन्योलमा परेको छ ।




                                    

3 वर्ष पहिले    777 Post Views