दिपक बस्नेत 
जेठ २०, तामाकोशी । 
दोलखाको तामाकोशी गाउँपालिकामा गाउँपालिकाको आर्थिक सहयोग हेफर प्रोजेक्ट नेपालको प्राविधिक सहयोग र असल शासन समुन्वय समिति दोलखाको साझेदारीमा कृषि तथा पशु व्यवसाय प्रर्वदन कार्यक्रम संचालन भैरहेको छ । 
कार्यक्रमको पहिलो चरणमा गाउँपालिका भित्र मुलसमूह गठन गरि पालिका भित्रका ३० वटा मुल समूहमा ४ दिने आधार शिला तालिम सम्पन्न गरेको छ । साथै पशुको उचित व्यवस्थापन तालिम पनि संचालन गरेको छ । 
तामाकोशी कृषि तथा पशुव्यवसाय प्रर्वदन कार्यक्रम मार्फत पालिकाको वडा नम्बर ७ हाँवाका मुल समुहलाई ४० वटा उन्नत जातको बंगुरका पाठा र वडा नम्बर ४ मालु चापावोटमा रहेको मुल समुहलाई १० वटा वंगुरका पाठा हस्तान्तरण गरिएको छ । 
तामाकोशी गाउँपालिकाका अध्यक्ष प्रोण प्रताप के.सी.द्धारा हस्तान्तरण गरिएको पाठा वितरण कार्यक्रममा उपाध्यक्ष सृजना खड्का सुवेदी, वडा अध्यक्ष खुश वहादुर सुनुवार, नारायण खड्का सुरज, शम्भु प्रसाद फुयाँल, कृष्ण प्रसाद फुयाँल, कृषि शाखा प्रमुख विदुर तिमल्सिना, असल शासन समुन्वय समितिका उपाध्यक्ष दिल बहादुर के.सी. कार्यक्रम संयोजक विदुर अधिकारी, प्राविधिक संयोजक सुदिप पोखरेल लगाएतको सहभागिता रहेको थियो ।   
                                    

2 वर्ष पहिले    1945 Post Views